स्वराष्ट्र माझा न्यूज
राज्यभर विधानसभा निवडणुकीच्या चर्चा सध्या जोरात आहेत. यंदा मुंबईतील दादर-माहिम मतदारसंघाकडे विशेष लक्ष केंद्रित आहे. याचे कारण म्हणजे यंदा या मतदारसंघातून मनसे अध्यक्ष राज ठाकरे यांचे पुत्र अमित ठाकरे पहिल्यांदाच निवडणूक लढवत आहेत. दुसरीकडे, एकनाथ शिंदे गटाच्या शिवसेनेचे विद्यमान आमदार सदा सरवणकर यांनी देखील याच मतदारसंघातून अर्ज भरला आहे.
सदा सरवणकर- अमित ठाकरे यांच्यातील राजकीय वाद
सदा सरवणकर हे दोन-तीन वेळा निवडणून आलेले अनुभवी नेते असून त्यांचा मतदारांमध्ये उत्तम जनसंपर्क आहे. मात्र, सरवणकर यांनी अमित ठाकरे यांच्या विरोधात निवडणूक लढवू नये अशी मागणी काहींनी केली आहे. यावर चर्चा आणि मनधरणीचे प्रयत्न सुरू आहेत, तरीही सरवणकर निवडणूक लढवण्याच्या भूमिकेवर ठाम आहेत.
#WATCH | Mumbai: Shiv Sena candidate from Mahim assembly seat Sada Sarvankar said, “I am the candidate of the Mahayuti. CM Eknath Shinde, Deputy CMs Devendra Fadnavis and Ajit Pawar, all three leaders have blessed me. I have filled the (nomination) form and started campaigning. I… pic.twitter.com/PYm7iIZb5X
— ANI (@ANI) November 3, 2024
राज ठाकरे यांची भेट घेणार सदा सरवणकर
आज सदा सरवणकर यांनी राज ठाकरेंची भेट घेण्याचे निश्चित केले आहे. “मी महायुतीचा उमेदवार आहे. मुख्यमंत्री एकनाथ शिंदे, उपमुख्यमंत्री देवेंद्र फडणवीस, आणि अजित पवार यांनी मला समर्थन दिले आहे,” असे सरवणकर म्हणाले. सरवणकर यांनी महायुतीसाठी सर्वोत्तम प्रयत्न करण्याचे आश्वासन दिले आहे आणि त्यांना त्यांच्या मतदारांचा पूर्णपणे विश्वास असल्याचेही सांगितले.
मुख्यमंत्री एकनाथ शिंदेंचे या वादावर मत
मुख्यमंत्री एकनाथ शिंदे यांनी या प्रकरणावर आपले मत व्यक्त करत राज ठाकरेंशी त्यांची चर्चा झाल्याचे सांगितले. “माहिम मतदारसंघात सदा सरवणकर हे आमचे अनुभवी आमदार आहेत. कार्यकर्त्यांचे मनोबल खचू नये, हे नेतृत्वाचे काम आहे,” असे शिंदे यांनी स्पष्ट केले.
