स्वराष्ट्र माझा न्यूज
काही वर्षांपूर्वी स्वराष्ट्र माझा न्युज चॅनेल हे महाराष्ट्रातील समस्यांवर परखडपणे आवाज उठवणारे आणि जनतेला न्याय मिळवून देणारे एक अग्रगण्य नाव होते. आपल्या निर्भीड आणि प्रामाणिक पत्रकारितेमुळे हा चॅनेल महाराष्ट्राच्या तळागाळापर्यंत पोहोचला होता आणि लोकांमध्ये विशेष लोकप्रिय झाला होता. तथापि, काही कारणांमुळे या चॅनेलचे कार्य काही काळ थांबले.
गणेश भालेराव, जे त्या काळात स्वराष्ट्र माझा न्युज चॅनेलचे महाराष्ट्र संघटक म्हणून जबाबदारी सांभाळत होते, त्यांनी आपल्या प्रदीर्घ अनुभवाने आणि संपादन कौशल्याने चॅनेलच्या यशात मोलाची भूमिका बजावली होती.
आता, स्वराष्ट्र माझा न्युज चॅनेल पुन्हा एकदा संपूर्ण महाराष्ट्राच्या तळागाळापर्यंत पोहोचण्यासाठी सज्ज झाला आहे. या नव्या पर्वात गणेश भालेराव यांची कार्यकारी संपादकपदी एकमताने निवड करण्यात आली. त्यांच्या या निवडीमुळे चॅनेलच्या भविष्यातील वाटचालीला अधिक बळ मिळेल, अशी भावना व्यक्त करण्यात येत आहे.
गणेश भालेराव यांच्या निवडीच्या वेळी स्वराष्ट्र माझा न्युज चॅनेलचे पदाधिकारी व प्रतिनिधी उपस्थित होते, त्यांनी गणेश भालेराव यांना पुढील वाटचालीसाठी भरभरून शुभेच्छा दिल्या. आपल्या नियुक्तीनंतर गणेश भालेराव यांनी आश्वासन दिले की, स्वराष्ट्र माझा न्युज चॅनेल पुन्हा पूर्वीप्रमाणेच निर्भीड आणि तळागाळातील जनतेच्या समस्यांवर आवाज उठवेल आणि त्यांचे निराकरण करण्यासाठी प्रयत्नशील राहील.
स्वराष्ट्र माझा न्युज चॅनेल पुन्हा नव्या जोमाने लोकांसाठी काम करण्यास सिद्ध झाल्याने, पत्रकारितेच्या क्षेत्रात हा एक महत्त्वपूर्ण टप्पा ठरणार आहे.
